Elektron ədəbiyyat və sənət portalı

Ailə haqqında deyimlər

Bölmə: Azad ərazi 09.01.2020

“Evlənmək çətin deyil, çətini evli olmaqdır”.

M.Unamuno

“Nikah – məhəbbətin ardınca alovun tüstüsü kimi gəlir”.

N.Şamfor

“Ailə – qadının hər zaman cavan qalması üçün çeşmədir”.

A.Babel

“Həyat yoldaşı seçərkən qadının yalnız gözəlliyinə və cavanlığına üstünlük vermək izdivacın ən təhlükəlisidir”.

***

“Qəti qənaətimə görə, ər-arvad münasibətləri ictimaiyyətə qapalı olmalıdır. Bu yalnız iki nəfərə aid məsələdir – başqa heç kimə”.

V.Belinski

“Nikah – ağa, xanım, həm də iki nökərdən ibarət ittifaqdır”.

A.Birs

 

“Ər-arvad məhəbbəti nəsil artımına xidmət edir, dostluq bu məhəbbəti təkmilləşdirir, mənəviyyatsızlıq isə korlayır və alçaldır”.

F.Bekon

 

“Var-dövlətə görə evlənən kəs öz azadlığını pula satmış olur”.

C.Herbert

 

“Ailə insana xeyli təəssüf hissləri yaşadır, subaylıq isə, ümumiyyətlə, heç nə yaşatmır”.

S.Conson

 

“Ailə münasibətlərində yaşanan xırda anlaşılmazlıqları yalnız böyük məhəbbət yoluna qoya bilir”.

T.Drayzer

 
“Bir mömin bəndə o biri mömin bəndə ilə ailə qurarkən bu izdivacdan heç də həmişə müqəddəs cütlük yaranmır”.

G.Lixtenberq

 

“Evlənmək məcburi deyil, amma nikah bağlamısansa, ailə qanunlarına tabe olmağa məcbursan”.

K.Marks

 

 “Qadın ərini irəli apara bilmirsə, deməli, geriyə dartır”.

C.Mill

 

“Minlərlə təsadüflərdən yaranan ər-arvad məhəbbəti möcüzələrin ən adisi və ən gözəlidir”.

F.Moriak

 
“Uğurlu izdivac hər dəfə yenidən bərpasına ehtiyac duyulan bir tikilidir”.

***

“Məhəbbətsiz nikah – qanuniləşdirilmiş fahişəxana kimidir”.

A.Morua

 

“Ailə qurmağa hazırlaşan hər bir insan məramının hakimi olmalı və yalnız özüylə məsləhətləşməlidir”.

F.Rable

 

“İdeal ailə odur ki, cütlük səhərlər sevgili, gecələr isə ər-arvad olduğunu unudur”.

O.Rostan

 

“Ailə – ara-sıra mübahisələrlə kəsilən uzun bir söhbətdir”.

R.Stivenson

 

“Ailə – hər gün yenilənməyə ehtiyacı olan bir incəsənətdir”.

R.Taqor

 

“Bir əyaləti idarə etmək bəzən bir ailəni idarə etməkdən daha asan olur”.

Tasit

 
“Ər necədirsə, arvad da elə olacaq”.

A.Tennison

 

 “Ailə – hüquqları ikiqat azaltmaq, məsuliyyəti ikiqat artırmaq deməkdir”.

 A.Şopenhauer

 

 “Əksər kişilər arvadlarından özlərində olmayan ləyaqəti tələb edirlər”.

L.Tolstoy

 
“Qadının hüquqlarını qoruyan şəxs uşaq haqlarının, başqa sözlə desək, gələcəyin dayağına çevrilir”.

***

“Ailəni dağıtmağa yönəlmiş istənilən sosial doktrina yararsızdır və heç cür tətbiq edilə bilməz. Ailə – cəmiyyətin zinətidir”.

***

“Heç bir kişi qadının bədbəxtliyi üzərində öz xoşbəxtliyini qura bilməz”.

V.Hüqo