Misirin məşhur albraq-news.com, dmcnews.org, yaf3press.net, alwasela.com, albidda.net, news-sinaa.com, Ukraynanın kievinform.com, buta.in.ua və İranın tabrizema.ir portalı Dövlət Tərcümə Mərkəzinin “Azərbaycan həqiqətləri virtual aləmdə” layihəsi çərçivəsində müxtəlif dillərdə hazırladığı “Müsəlman Şərqinin ilk operası – Leyli və Məcnun” tanıtım videoçarxının ərəb, ukrain və fars dilində yayınına başlayıb.

Videoçarxda dünya musi­qisi tarixinə müsəlman Şərqinin ilk operası kimi daxil olmuş əsərin müəllifləri – böyük Azərbaycan bəstəkarı Üzeyir Hacıbəyli və dahi Azərbaycan şairi Məhəmməd Füzuli ilə bağlıməlumatlarla yanaşı, bu sənət şedevrinin yaranma tarixçəsindən də bəhs edilir.