Bir sıra tanınmış dünya xəbər portalları – Əlcəzairin “Alharir.info”, İraqın “Ashurnews.com”, “Afkarhura.com”, Misirin “News International”, El Salvadorun “Reflexiones Internacionales” saytları və sosial şəbəkələri Dövlət Tərcümə Mərkəzinin “Azərbaycan həqiqətləri beynəlxalq virtual aləmdə” layihəsi çərçivəsində müxtəlif dillərdə hazırlanmış “31 Mart soyqırımı tarixi mənbələrdə” adlı sənədli materialın yayınına başlayıb.

Tarixi faktlara və sənədlərə istinadən hazırlanmış yazı erməni silahlı dəstələrinin 1918-ci ilin 31 martında Azərbaycanın Bakı, Şamaxı, Quba və digər bölgələrində törətdiyi qanlı qətliamdan, dinc azərbaycanlıların soyqırımından bəhs edir.