Elektron ədəbiyyat və sənət portalı

Vinsent Van Qoqun aforizmləri

Bölmə: Azad ərazi 18.05.2023

“Aydın yol” məşhur niderland rəssamı Vinsent Villem van Qoqun (1853–1890) aforizmlərini təqdim edir.

 

“Hələ də diri olduğumu yalnız rəsm çəkəndə hiss eləyirəm”.

* * *

“Adi yaşam tərzi asfalt yol kimidir, üzərində yerimək rahat olsa da, üstündə gül bitmir”.

* * *

“Həmişə bacarmadığım işi görürəm ki, nəsə öyrənə bilim”.

* * *

“Həmişə işıq və azadlıq axtarışında ol və həyat adlı bataqlığa az bat “.

* * *

“Kədər səninlə əbədi yol yoldaşıdır”.

* * *

“Məsih pak bir ömür yaşadı və o həm də dahi rəssam idi”.

* * *

“Kitab yalnız əsər deyil, həm də vicdan, idrak və incəsənətdir”.

* * *

“Dahilik – çoxlu sayda xırdalıqlardan yaranır”.

* * *

“Səbəbini bilməsəm də, etiraf edim ki, ulduzlara baxanda xəyala dalmaq istəyirəm”.

* * *

“Öz rəsmimi yaratmağı arzulaya-arzulaya öz arzumu kətana köçürürəm”.

* * *

“İşlərimə görə həyatımı qurban verib ağlımı yarıyacan itirdim”.

* * *

“Həyatda gərək bir qədər səfeh görünəsən”.

* * *

“Sənət – insan üstəgəl təbiət deməkdir”.

* * *

“İçinizin səsi bir gün sizə “daha çəkə bilmirsən” desə də, heç nəyə baxmadan dayanma, o səs bir gün özü susacaq”.

* * *

“Darıxmaqdan ölməkdənsə, yaxşısı budur, qocalıqdan ölüm”.

* * *

“Əgər təbiətə ürəkdən bağlısınızsa, hər yerdə gözəllik  tapacaqsınız”.

* * *

“Cənublular xasiyyətcə yaxşı adamlar olurlar, hətta oranın ruhanisi də abırlı adam təsiri bağışlayır”.

* * *

“Şəxsi təcrübədə öyrəndiklərini dərhal həzm edə bilməsən də, əvəzində beynində daha dərin izlər qoyur”.

* * *

“Bütün həyatımı və ruhumu rəsmlərimə verdim və bu prosesdə ağlımı itirdim”.

* * *

“Tanrıya yaratdığı dünyaya görə qiymət vermək olmaz. Dünya, sadəcə, uğursuz etüddür”.

* * *

“Bəzən düşünürəm ki, gecə gündüzlə müqayisədə daha diri, daha rəngarəngdir”.

* * *

“Düşündükcə bu qənaətə gəlirəm ki, insanları sevməkdən gözəl əsər yoxdur”.

* * *

“Həyat dəmir yolu ilə gəzintiyə çıxmaq kimidir. Elə sürətlə gedirsən ki, nə qarşıda olanları, nə də qatarın özünü görə bilirsən”.

* * *

“Zərbələr alsam da, bəzən səhvlər etsəm də, haqlı olmasam da, bu o qədər də dəhşətli deyil, çünki əsas məsələlərdə haqlıyam”.

* * *

“Balıqçılar dənizin təhlükəsini, qasırğanın dəhşətlərini bilsələr də, sahildə oturub qalmırlar”.

* * *

“Təsviri sənət çox bahalı məşuqə kimidir: pulun olmasa, ona yaxın düşə bilməzsən, pul da həmişə lazımi qədər olmur”.