“Aydın yol” məşhur alman yazıçısı Erix Maria Remarkın (1898–1970) aforizmlərini təqdim edir

“Sevməyən insan tənhalığı asan yaşayır”.

***

“Səfeh doğulmaq ayıb deyil, səfeh kimi ölmək ayıbdır”.

***

“Qadın kişini sevdiyini dili yox, xoşbəxtlikdən parıldayan gözləri ilə deməlidir”.

***

“Ağıl insana təkcə ağıldan asılı olmadığını anlamaq üçün verilib”.

***

“Xoşbəxtliyin nə olduğunu yalnız bədbəxtlər bilir”.

***

“Təslim olmayan insan öz taleyindən də güclüdür”.

***

“Ölmək istəyəndə yaşamaqdansa, yaşamaq istəyəndə ölmək yaxşıdır”.

***

“Hər şey ötəridir. Bu, dünyanın ən dəqiq həqiqətidir”.

***

“Bir insan başqasına azca istilikdən başqa nə verə bilər? Və bundan böyük nə var?”

***

“Heç nə gözləməyən insan heç vaxt peşman olmayacaq”.

***

“İnsanlar alkoqoldan, yaxud tütündən daha zəhərlidir”.

***

“Prinsiplərini gərək hərdən pozasan – yoxsa həyatın ləzzəti olmaz”.

***

“İnsan dayazlaşdıqca özü haqqında daha böyük fikirdə olur”.

***

“Deyirlər, çətini ilk yetmiş ili yaşamaqdır. Sonra hər şey qaydasına düşür”.

***

“Tez-tez arxaya baxan insanın büdrəyib yıxılmaq ehtimalı daha çoxdur”.

***

“Yaşamaq naminə hər şeyini itirən insan azad insandır”.

***

“– Doğurdanmı siz özünüz haqqında danışmağı xoşlamırsınız?

   – Mən hətta özüm haqqında düşünməyi də xoşlamıram”.

***

“Bir insanın ölümü faciə, iki milyon insanın ölümü statistikadır”.

***

“Xoşbəxtlik – dünyada ən müəmmalı və ən bahalı əşyadır”.

***

“Qadın sevgidən müdrikləşir, kişi isə başını itirir”.

***

“Gecələr kainatdan ulduz qoxusu gəlir”.

***

“Ölüm hörmətdən düşüb: səbəb iki dünya müharibəsidir”.

***

“Əgər hələ də ədalətin zəfər çalacağına inanırsınızsa, deməli, gününüz gün deyil”.

***

“Sevəndə, əvvəllər ağlına belə gətirmədiyin yeni-yeni qorxular əmələ gəlir”.

***

“Paradokslar zəmanəsində yaşayırıq: dünyada sülhü qorumaq üçün müharibə etməyə məcburuq”.

***

“İnsan həmişə əməlləri deyil, niyyətləri ilə böyükdür. Onun gözəlliyi də elə  bundadır”.

***

“Pul çox vacib şeydir. Xüsusən olmayanda”.

***

“Qəribədir, insan ən təbii hərəkətlərdən qızara bilir, alçalmaqdan isə yox”.

***

“Sevgisiz insan – məzuniyyətə çıxan mərhum kimidir”.

***

“Yuxuya ayrılan vaxta heyifim gəlir. Axı sən yatanda ömürdən gedir”.

***

“Nəsə etmək istəyirsənsə, heç vaxt nəticə barədə soruşma. Yoxsa həmişə yerində sayacaqsan”.

***

“Qanunla mübarizədə ən münasib vasitə həyasızlıqdır”.

***

“Qəribədir, öz həqiqi hisslərimizi gizlətmək üçün hansı yollara əl atmırıq?”

***

“İnsanların səni sezməməsi üçün gərək ehtiyatlı olmayasan”.

***

“Yaxşı yaddaş – dostluğun təməli, məhəbbətin sonudur”.

***

“Pulla yoluna qoyula biləcək hər şey ucuz başa gəlir”.

***

“Məhəbbət – gözəl şeydir, amma insanın xasiyyətini korlayır”.

***

“Səndən gözləniləni etməyin, adətən, arzulanan nəticəni verir”.

***

“Pullara nəvazişli adlar verilən ölkədə heç vaxt faşizm olmayacaq”.

***

“Deməyə sözün olanda, söz tapa bilmirsən”.