Page 105 - Antologiya_Gencler_Yeni_Design_Son_Layout 1

Boğularam ac gözümün yaşında,
Gözüm olmaz acı, zəhər aşında.
Yaxşıların ürəyinin başında,
Yamanların harasında qalmışam...

Gözlər yoran yol uzanır ikili,
İki çocuq gözü mənə dikili.
Sıxır məni bu xaraba tikili:
İki daşın arasında qalmışam.

Ürəktutması
Var məndə ürəktutmaları – hər kəsə bəlli,
Ancaq səbəbin bilməyir heç kəs düzəməlli:
Saf qəlbim olub tək mənə dünyada təsəlli – Şeirlər
Daim bu səbədən onu tutdum ikiəlli...
Əvəz Qurbanlı.

Vaxt

Ümidim yox mənim axtardığımı tapmağıma,
Baxmamış fərz edirəm: “hər yana baxdım, yoxdu”.
Mənim axtardığım ancaq itirilmiş vaxtdı,
İşə bax: itkimi axtarmağa vaxtım yoxdu...

105