Page 99 - Əlifba

XOCALI

Günәş, necә yanırsan?

Necә alovlanırsan?
Yer, niyә dolanırsan?

Dayanıb sükuta dal!
Dәrk et bu fәlakәti!

Görünmәz müsibәtdir
Xocalı müsibәti.

1992-ci il 26 fevral – unudulmaz milli faciә – Azәrbaycanın qan yaddaşına

әbәdi hәkk olunmuş qanlı tarixdir.
1992-ci ilin 26 fevral gecәsi işğalçı ermәni ordusu Xocalı şәhәrini
mühasirәyә aldı, tanklardan, toplardan dinc әhaliyә atәş açdı. O gecә

düşmәnlәr heç kimә aman vermәdi. Qocaları, qadınları, uşaqları öldürdülәr,
evlәrә, tövlәlәrә od vurub yandırdılar, qaranlıq, soyuq meşәlәrә qaçanları

yolda güllәlәdilәr.
Azәrbaycan bu qanlı faciәni heç zaman unutmayacaq.

1. 1992-ci ilin 26 fevralında nә baş verib?

2. Bu hadisә niyә «soyqırım» adlandırılır?
3. «müsibәt», «bәla», «fәlakәt» vә «әhali» sözlәrinin mәnasını izah et.
4. Şeiri öyrәn.

Dәftәrinә köçür

Fevralın 26-sı tariximizә Xocalı faciәsi kimi

yazıldı. Xocalı faciәsi heç zaman unudulmayacaq.

99