Page 211 - Antologiya_Gencler_Yeni_Design_Son_Layout 1

bağırdıq
yorulduq
gözümüzdən yaş əvəzinə, qəzəb damladı
kürəyimiz ağrıdı səhərə qədər
sənə dəyən bıçaqların soyuğunu hiss etdik canımızda.
bu gecə içkilər daha acı oldu, siqaretlər daha çəkilməz...
çəkilməz oldu, başımızdan ağrılar, çəkilməz...

* * *
Və bu lənətə gəlmiş 19 yaşım
o qədər yaxındakı keçmiş
o qədər əlçatan ki...
məni solaxay olmağa qoymayan
müəllimimin Şeirlər
əlimə vurduğu ilk şilləni belə unutmamaqdayam
saat çıqqıltısını keç,
maşın səsini unut
üzdə dayanan, tez-tez gözümə sataşan
gömgöy damarlarımdan axan Nərmin Dadaşova.
qırmızı qanımın səsindən belə,
sıxılmaqdadı ürəyim, batmaqdadı qulaqlarım
və bu lənətə gəlmiş 19 yaşım
o qədər yaxındakı keçmiş
o qədər əlçatan ki
unutmamaqdayam beş yaşımda
arxamca düşən boz köpəyi
üzümə daş kimi dəyən ilk kötəyi
eşitdiyim ilk söyüşü
...unutmamaqdayam
Və o qədər yaxın ki, o qədər əlçatan ki keçmiş...

211