Page 173 - Antologiya_Gencler_Yeni_Design_Son_Layout 1

Dəmir çarpayıda qızdırma

Sevgili Moskva
və ordakı uşaqlığım – qırmızı çantalı qızcığaz,

qızdırmanın içində
otuz yaşıma kürəyi üstə uzanmışam çarpayıda,
gözlərimi yumub addımlayıram
üzü “Voykovskaya” metrosuna...

Tavandan özünü asan lampanın işığı
arsızca gözlərimə dolur,
canlandırdığım küçəni
sakinləri qarışıq narıncı untək qovurur.

Sonra
var gücü ilə üfürür qovurduğu un yığınını Şeirlər
göz qapaqlarıma.
Könül Arif.
Hər tərəf sapsarı şüa...
O əzəmətli küçə bir andaca yanıb-sovrulur.

22:16. Otuz doqquz dərəcə qızdırma...
18:30-dan bəri bu dar otağa gur işıq saçan
kiçik elektrik lampasıyla
çarpışmaqdayam.

00:23. Sevgili Moskva... Sənə qaçmaqda
ayaqlarım kimi gözlərim də acizdir indi –
qızdırma güllə yarası kimi
yıxıb məni bu dəmir çarpayıya.
Üstəlik
tavandan axan 100 voltluq elektrik lampa...

173