Page 281 - Antologiya_Gencler_Yeni_Design_Son_Layout 1

Kimsə bilməyə

Bir ayrılıq mahnısına,
Süzəsən, kimsə bilməyə.
Yola salıb sevdiyini,
Küsəsən, kimsə bilməyə...

Yolları izsiz keçəsən,
Qəm içindən qəm seçəsən
Güzgüdən sor, gör necəsən,
Necəsən, kimsə bilməyə...

Tellər qıvrıla yanaqda,
Əlin quruya dodaqda.
Sakit, qaranlıq otaqda Şeirlər
Öləsən, kimsə bilməyə...
Vüsalə Süleyman.

Payız adam...

Bahar-bahar çiçək açıb,
Payız-payız soluram mən.
Qaşlarından yol almışam,
Gözün kimi doluram mən.

Baxtım hey naxış dilənir,
Gözlərim baxış dilənir.
Saçlarıma qar ələnir,
Bircə-bircə yoluram mən.

281