Page 254 - Antologiya_Gencler_Yeni_Design_Son_Layout 1
P. 254
Gənc yazarların ədəbiyyat almanaxı
* * *
indi əvvəlkindən
daha həvəslə
fırçalayır dişlərini
sağalmaz xəstəliyə yoluxan
öləcəyini bilən qadın
işıltılı gülüşlərlə qalmaq istəyir
sevdiklərinin yaddaşında....
* * *
Beşyaşlı uşağın duası,
İsrarla anasından bahalı oyuncaq istəyən
balaca oğlana
“Allahdan pul istə, pulumuz olsun, alacam” – dedi anası
“mən Allahdan pul istəməyə utanıram” – dedi
balaca oğlan
başını aşağı dikərək...
* * *
Cəbhədə öldürülən
Kişilərin arasından
Birinin şəkli üzərində
Saxladı barmağını
Dırnağı qırmızı boyalı qadın
“nə qəşəng oğlanı öldürüblər”, – dedi
Gözəllik
Ayrı-seçkilik salır
Adamların arasına
ölümdən sonra da...
254
