Page 260 - Antologiya_Gencler_Yeni_Design_Son_Layout 1

Gənc yazarların ədəbiyyat almanaxı

heç vaxt yağış düşməyən
köhnə kafenin içində
şeirləri ilahi ehtirasla...
görmədin ki...

Məni atdın,
danışdığımız xəyalları
zamanla reallaşdırasan deyə.
O, səndən qaçır,
Bil ki, o,
ən gözəlləri də görməzdən gəlib həmişə.
özü qeyb olanda
səni qeyb etdirəcək
üzü enişə...

Mən səni axtarıram,
sən zamanı...
hərəmizi bir cür üyüdüb,
dayanacaq sonunda bu yel dəyirmanı..
Öləcəksən, xeyri nə...
Amma heyif bilirəm ki,
bir də çətin qayıdasan yanıma,
çiynimdəki yerinə...

Dənizdə görüşmək

Dünənləri say, ovuclarına ardıcıllıqla topla,
iynəyə sapla.
Əlavə yük olacaq xatırlanmayanda,
çünki onlar qalaq-qalaq toplanır hər gün.
...Ya izlərimizi itirmək mümkün?
...ya cavabında soyuq torpaqlara sürgün?
...düşünmüsənmi?
Güllələnəcəyik...
Uzaq qaça bilsən, qaç

260