Page 42 - Antologiya_Gencler_Yeni_Design_Son_Layout 1

Gənc yazarların ədəbiyyat almanaxı

Yanında olduğuna əmin olmaq üçün
əlini üzünə qoyub yoxlamaq istəyəsən...

Günlər uzanır. Heç kəs gəlmir...
Və sən bir-bir ölürsən...

Məni aldatdığınızı bilirəm

Məni aldatdığınızı bilirəm.
Bilirəm, qatarların hamısı silah daşıyır.
Sərnişin qatarlarını ləğv elədiniz,
İndi, onlar ancaq
Bütün cavanları
Müharibəyə aparacaq!
Məni aldatdığınızı bilirəm.
Otellər tikəcəksiniz deyə
Adamları evindən qovub,
Ağacların hamısını kəsdiniz.
Mənə axirəti xatırladır,
Yeraltı keçidləriniz.

Məni aldatdığınızı bilirəm.
Bunu bildiyim üçün
Evimə qonaq gəlməlidir
Qara pencəkli, hündür bir alçaq
Səhər isə təmirsiz evimdən,
Cansız cəsədim tapılacaq!
Martın son günləridir.
Ayaqüstə dayanıb
Hamının susduğu kimi susuram.

42